19 август Казанның Истанбул паркында шигырь бәйрәме булачак

Республика көнен бәйрәм итү чараларының берсе буларак, 19 август, 17 сәгатьтә Истанбул паркында (Казан шәһәре, Әпсәләмов урамы) шигырь бәйрәме булачак. Ул бөек Тукайның тууына 130 ел булу вакыйгасына багышлана. Анда җөмһүриятебезнең сәнгатькәрләре, милли диаспора вәкилләре, Татарстан язучылары, шагыйрьләре катнашачак. Бәйрәмдә шулай ук китап алмашу, күргәзмәләр, әдәби викторина, концерт номерлары булачак. Шигырь бәйрәменә рәхим итегез!