“Татмедиа” акционерлык җәмгыятенә яңа эшләр идарәчесе билгеләнде

Бүген “Татмедиа” Республика матбугат һәм массакүләм коммуникацияләр агентлыгы АҖда яңа эшләр идарәчесе билгеләнде. Әлеге вазифаны элек “Татмедиа” филиалы - “Казан” ТРК генераль директорының җитештерү һәм телекоммуникацион үсеш буенча урынбасары булып эшләгән Дмитрий Перевезенцев башкарачак. Д.Перевезенцев Казанда туган, КАИны инженер-электротехник белгечлеге буенча тәмамлаган. Аннары Казан приборлар төзү конструкторлык бюросында инженер-конструктор, соңрак инвестицион компаниядә кыйммәтле кәгазьләр буенча белгеч булып эшләгән. 1995 елдан башлап – электрон ММЧ белән эшләү буенча баш белгеч. Аннары Казан хакимиятенең тышкы реклама һәм мәгълүмат эшләре бүлеге башлыгы. 2002 елның июнь аеннан – “Казан” телерадиокомпаниясе” МУП директоры, 2006 елдан – “Татмедиа” ААҖ филиалы - “Казан” ТРК” генераль директорының беренче урынбасары. Соңгы вакытта генераль директорының җитештерү һәм телекоммуникацион үсеш буенча урынбасары вазифасын биләгән. “Казан” ТРКдә Перевезенцев үзен инновацион технологияләр кертүче инициатор, җитештерү процессларын активлаштыручы буларак күрсәткән.

Нравится
Поделиться:
Реклама
Комментарии (0)
Осталось символов: