Үзебез гаепле

Бүген бар да начар, дибез,

Өйрәндек зарланырга.

Соры булып төшкә керә

Яуган ак карлары да.

Хозурланып яшәр чакта

Кышның ал таңнарына,

Корт төшкәндер, ахрысы,

Күпләрнең җаннарына.

Теләмәсәк тә алдарга,

Өйрәндек алданырга.

Әллә картаябыз инде,

Остардык зарланырга.

Бөтен гаеп үзебездә,

Катнашмый монда заман.

Сүз сөйләргә остардык та

Эшне оныттык тәмам.

Күпме генә болгатсак та,

Май төшмәстер буш сүздән.

Башларга кирәктер безгә

Иң башта үзебездән.

 

фото: pixabay.com

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: