Синең күзләреңдә хәсрәтләр күрдем...

Синең күзләреңдә

Йолдызлар күрдем,

Диңгезләр күрдем,

Болытлар күрдем,

Яшел-яшел урманнар,

Гүзәл балкышлар күрдем.

Күрмәгән булсам әгәр,

Яшәмәс идем,

Куанмас идем,

Язалмас идем...

Синең күзләреңдә

Хәсрәтләр күрдем,

Тамчы-тамчы күз яшьләре,

Сорау-ялвару күрдем.

Тагын — Кояшны,

Тагын мин Айны күрдем.

Күрмәгән булсам,

Еламас идем,

Кояшка, Айга

Куанмас идем.

Синең күзләреңдә

Сине күрәм, Ана.

Кирәк түгел сүзләр,

Күзләрең булганда.

Сәйран Сөләйман

Кырым-татар теленнән Сания ӘХМӘТҖАНОВА тәрҗемәсе

"КУ" 9, 2015
Фото:liveinternet.ru

Нравится
Поделиться:
Реклама
Комментарии (0)
Осталось символов: