Җөмләләр

Сөй дә, өйлән генәме? Өйлән дә, сөймә генәме? Сөйми кавышуга караганда, сөеп аерылышу дөресрәк. Начарлык артыннан кумасаң, яхшылык артыңнан калмас. Күп булганга форсаты Үсте аның корсагы. Хакыйкатьне яшерү — ялганны яклау белән бер. Дус-ишләргә таянуын таяныйк, әмма үз-үзебезне дә аямыйк. Игелек күрсәтмәгән — игелек күрмәс. Сүнә яшен «Әнә яшен!» дигәнче, үтә гомер «Менә яшим!» дигәнче. Җырның җыртыгы юк, җыртыкның җыры юк. Кашык күтәрергә ашыкма — төелерсең; эшләргә ашык — сөенерсең. Кешеләр өчен бер дә борчылмаган кеше — кешеләрне иң борчыган кеше. Шигырең проза булмасачы, прозаң проза булсачы; укучың риза булсамы. Кайберәүләр кешедән күп игелек күрсәләр дә — аз күргән кебек, бик аз игелек күрсәтсәләр дә — күп күрсәткән кебекләр.