Шигърият

Фәрештә

Күгем минем тоташ болыт иде, Томаланган иде күңелем. Син килдең дә күтәрелде пәрдә, Ләйсән яңгыр булып түгелдең.

Гомер тирәге

Гомер тирәгеме соң бу? Нигә алайса бик яшь… Бу бит… бу бит миңа түгел, Минем улыма тиңдәш.

***

Таң чыкларын киптерәм, Болында учак яктым. Учларымда эретәм Томанын туган якның.

***

Миләшләрең һаман ут сымандыр… К. Б. Белә торып минем хәлләремне, Ник сорыйсың: һәрбер бөредән Ут бөркелгән… Җаным сүнеп бара, Бер-бер Алга таба…