Татар галәме

13.07.2018 7 (июль), 2018

Мәхәббәтем


ТАТАР ӘДӘБИЯТЫ – ДӨНЬЯ КИҢЛЕГЕНДӘ

Минсез бу дөньяда син дә
Булмассың кебек иде,
Мин булганга гына син дә
Тугансың кебек иде.

Йөрәгемнән сызылып чыккан
Ләззәтле көемме син?
Әллә күңелемдә яткан
Ләгънәтле төенме син?

Табалмадым чараларын
Хисләр-хыялларыма:
Кара туфракка әйләндем,
Сибелдем юлларыңа…

Шул туфракта мәхәббәтем
Үсеп чыкты гөл булып.
Үзем калдым ялкыныннан
Күмер булып, көл булып.

Равил НАСЫЙБУЛЛИН, Уфа шәһәре


Фото: pixabay.com