Каләм тибрәтүчеләр

11.01.2018

Нокта


girls-1107329_960_720

Куптарып җанымның төбеннән
Урының бушаттым мәңгегә.
Тамырсыз агачтай корыдым.
Ямаулык эзләмим күңелгә.

Элпә боз ярамның күлмәге
Эремәс назларга төреп тә.
Чайпалып түгелгән бөтенлек
Яңармас, күз яше түгеп тә.

Юк итәм хисләрем кәсәсен,
Ярамның шифасы вакыттыр.
Хушлашу — мәрсия сөюгә.
Һәм нокта. Сүзләрең артыктыр.

Айгөл Имамиева. Теләче районы


фото: pixabay.com