Шигърият, Язучы блогы

18.08.2017 №8 (август), 2017

Мин Илһамны тыңлыйм


ilham-shak-1

Мин Илһамны тыңлыйм. Моңга сусап,
Җаным иңрәп, җирсеп куйсам да,
Иксез-чиксез җиһан эчләрендә
Үз-үземне ятим тойсам да,
Әйләнәм дә кайтам Илһамга.

Җырлаучылар түгел, мырлаучылар
Сәгать саен арткан заманда,
Күңелем моңнан бизә күрмәсен, дип,
Мин Илһамны тыңлыйм һаман да…

Татар кебек тыйнак та ул моңнар,
Кирәк икән – корыч калкан да!
Эскадроннар белән яуга киткән,
Шахталарга төшкән, карурманнар кичкән,
Әдрәннәргә җиткән моң анда.

Покосларга ятып җырлаячак,
Җырлаячак сөяп куйсаң да…
Бетмәде моң, бетмәс, бетмәячәк,
Мәңге яшәячәк Илһамда!

«Аның кебек җырлаучылар бар», – дип,
Бәхәсләшә кемдер кайчакта, –
«Йөз елга бер туа…» дисәләр дә,
Илһам кебек булмаячаклар!

«Карурман»га керүчеләр булды,
Тик чыгучы гына булмады.
«Моң иясе бул!» – дип, халык үзе
Мирас иткән аңа моңнарны!

Күп гасырлар үткәч, сүзләремнең
Дөреслеген янә белерсез:
Татар моңы кебек мәңгелек ул,
Халкым кебек мәңге үлемсез!


Комментарий

    Филүсә:

    Рәхмәт, Шәмсия, күңелгә бәлзәм кебек ятышлы шигырең өчен. Илһам моңы мәңгелек һәм үлемсез ул. Мең елга бер генә туа торган Моңдыр аңарда. «Мырлаучы» тыңкышлар заманында аның моңы бигрәк тә кадерле һәм кыйммәт. Татар яшәгәндә Илһам Моңы яшәячәк ул!

    Аниса Таймасова:

    Э й дорес тэ язгансыз,зур рэхмэ́т сезгэ!Илхам абыйны яратмаган кеше юктыр,монлы да́сын Илхам абый,моны узенэ генэ хас, тирэн, иорэкнен ин нечкэ кылларна барып житэ .Мен яшэ Илхам абый,эх бер узенен. концертын карап булса иде!!!

    Тәүхи:

    Илһамга тиңдәш булырмы … шикләнәм, булса да безнең тиңдәшләр ишетә алмабыз … Илһам абый гомере буена моңлыларга ИЛҺАМ , ЯШӘР ӨЧЕН ДӘРТ биреп яшәде һәм яши!!!

Комментарий өстәргә

Ваш e-mail не будет опубликован.