Видео, Шигъри мизгел

23.03.2018

Рәфикъ Юныс «Үлми телләр» шигырен укый


Үле телләр… Кем үтергән?
Нинди сугыш коралы?
Бәлки инде безнең тел дә
Төзәлмәслек яралы?!

Үлми телләр. Яши алар
Сүзлекләргә сарылып.
Яши кабер ташларында,
Үткәннәрне сагынып.

Җилпенергә әзер килеш
Көтәләр сүз-канатлар.
Берәр галим, исе китеп,
Ул сүзләрне кабатлар…

Телләр үлми. Үлә бары
Телен җуйган халыклар.

1982

 

Фото / Видео: Рәзилә Хәйретдинова


Комментарий өстәргә

Ваш e-mail не будет опубликован. Обязательные поля помечены *