Әдәби берләшмәләрдә

Кызыкмадым кеше малына

Тормыш юлын намус белән үттем, Эшләдем мин йөрәк кушканны. Җенем сөйми көнчел кешеләрне, Әләкчене һәм дә куштанны.

Миләшем

Тәлгәш-тәлгәш кызыл миләш, Әче, диләр, тәмнәрен, Җил-давылда, суыкта да, Юк, югалтмый ямьнәрен.

Яшәү мәгънәсе

Яшәүнең мәгънәсе нидә? Шул сорау борчый һаман. Йокысыз үткән төннәрнең Шәмнәре булып янам.

Сагыну

Шәһәрдә бик рәхәт яшәсәм дә, Йөрәк калган икән авылда. Гомер узган саен дәшеп тора, Төшкә кереп, Суыр тавы да.

Яшәп туймадым

Көзләр сагышлардан торса да, Күз яшьләре битне юса да, Һич китәсе килми дөньядан, Мин бит әле яшәп туймаган.

Кайтып бара балачакка

Исәрләнгән диеп уйламагыз, Җитмәгән дип яки айнып та. Көтүгә дип, кеше торганчы ук, Су чәчрәтеп йөрсә сайлыкта.